நாடி ஜோதிடருடன் சட்டீஸ்கர் முதலமைச்சர் சந்திப்பு - கணிப்பு உண்மையானதால் நேரில் நன்றி தெரிவிப்பு

முதலமைச்சர் பதவி கிடைக்கும் என்று ஆரூடம் சொன்ன சென்னை ஜோதிடரை சட்டீஸ்கர் முதலமைச்சர் பூபேஷ் பாகல் நேரில் சந்தித்து மகிழ்ச்சியை வெளிபடுத்தினார். தாம்பரத்தை சேர்ந்த பிரபல நாடி ஜோதிடர் துரை சுப்புரெத்தினம், 2 ஆண்டுகளுக்கு முன்பு பூபேஷ் பாகல் விரைவில் முதலமைச்சராவார் என கணித்து தெரிவித்துள்ளார். இந்நிலையில் சட்டீஸ்கரில் சமீபத்தில் நடந்து முடிந்த தேர்தலில் காங்கிரசை சேர்ந்த பூபேஷ் பாகல் வெற்றிபெற்று, அம்மாநில முதலமைச்சராக பொறுப்பேற்றார். இதனையடுத்து, இன்று அவர் ஜோதிடர் துரை சுப்புரத்தினத்தை நேரில் சந்தித்து மகிழ்ச்சியை வெளிப்படுத்தினார்.