"வேலை வாய்ப்பு பயிற்சி மையங்களை அமைக்க வேண்டும்" - திமுக தலைவர் ஸ்டாலின் அறிவுறுத்தல்

திமுக சட்டமன்ற உறுப்பினர்கள் பயிற்சி நிறுவனங்களை அமைத்து தொகுதி இளைஞர்களுக்கு வேலை வாய்ப்பை உருவாக்கி தர வேண்டும் என அக்கட்சியின் தலைவர் ஸ்டாலின் அறிவுறுத்தியுள்ளார். சென்னை கொளத்தூர் சட்டமன்ற உறுப்பினர் அலுவலகத்தில்  பொங்கல் விழா கொண்டாட்டம் நடைபெற்றது. இதில் பங்கேற்று பேசிய அவர், மாணவர்களுடன் பொங்கல் விழா கொண்டாடுவது மிகுந்த மகிழ்ச்சி அளிப்பதாக தெரிவித்தார். இங்கு உள்ளதை போன்ற  வேலை வாய்ப்பு பயிற்சி மையங்கள் சைதாப்பேட்டை, துறைமுகம் உள்ளிட்ட இடங்களில் திறக்கப்பட்டு வருவதாகவும் அவர் கூறினார்.