அதிமுகவுக்கு வேட்பாளரும் இல்லை, பூத் முகவரும் இல்லை...

புதுக்கோட்டை மாவட்டம் மணமேல்குடி ஒன்றியத்தின் 5ஆம் வார்டு அதிமுக வேட்பாளர், திமுகவில் சேர்ந்தது பரபரப்பை ஏற்படுத்தி உள்ளது. ஒன்றியக் குழு உறுப்பினர் பதவிக்கு அதிமுக சார்பில் மனு தாக்கல் செய்த நாராயணன், திமுக வேட்பாளர் கார்த்திகேயனுடன் சேர்ந்தார். இருவரும் மனுவை வாபஸ்பெறச் சென்றபோது, கால நேரம் முடிந்துவிட்டது. மனுவை திரும்ப பெற முடியாத நிலையில், ஒருவாரத்துக்கு முன்பு, முன்னாள் அமைச்சர் ரகுபதி முன்னிலையில், அதிமுக வேட்பாளர் நாராயணன், திமுகவில் சேர்ந்தார். இதைத் தொடர்ந்து, அதிமுகவுக்கு மாற்று வேட்பாளர் அறிவிக்க முடியவில்லை. இந்நிலையில், அதிமுகவுக்கு அங்கு வேட்பாளர் இல்லாமல் போனது. இதனால், பூத் முகவர்களும் இல்லாமல் வாக்குப் பதிவு நடைபெற்றது.