கொடைக்கானல் : ம‌லை கிராம‌ மக்கள் தேர்த‌ல் புற‌க்க‌ணிப்பு

திண்டுக்கல் மாவட்டம், கொடைக்கானல் வட்டத்தில், மன்னவனுர்  ஊராட்சியை சேர்ந்த க‌வுஞ்சி கிராம மக்கள் தேர்தலை புறக்கணித்துள்ளனர். அங்குள்ள வாக்காளர்களுக்கு, அருகில் உள்ள பூண்டி ஊராட்சி பகுதியில் வாக்குச் சாவடி ஒதுக்கப்பட்டுள்ளது. வார்டு மறுவரை செய்தபோதே, இது தொடர்பாக அதிகாரிகளிடம் பேச்சுவார்த்தை நடத்தியும் உடன்பாடு ஏற்படவில்லை என கூறப்படுகிறது. இந்த நிலையில் தேர்தலை புறக்கணித்துள்ள மக்கள், தங்கள் வீடுகளில் கருப்புக்கொடி ஏற்றியுள்ளனர். இந்த கிராமத்தில் மூன்று நபர்கள் ஊராட்சி மன்ற உறுப்பினர்களாக போட்டியின்றி தேர்வு செய்யப்பட்டுள்ளனர் என்ப‌து குறிப்பிட‌த்த‌க்க‌து.