முதுகலைப் பொறியியல் படிப்பு சேர்க்கை : நுழைவுத் தேர்வு தேதி அறிவிப்பு

தமிழ்நாடு  டான்செட் தேர்வு எழுதுவதற்கு ஜனவரி 7 ஆம் தேதி முதல் 31 ஆம் தேதி வரை ஆன்லைன் மூலம் விண்ணப்பிக்கலாம் என அண்ணா பல்கலைக் கழகம் அறிவித்துள்ளது. அண்ணா பல்கலைக் கழக வளாகம் மற்றும் அதன்  கட்டுப்பாட்டில் உள்ள  கல்லூரிகளில் முதுகலை படிப்பு சேர டான்செட் தேர்வு எழுத வேண்டும். மேலும் சில பல்கலைக் கழகம் மற்றும் தனியார் கல்லூரிகளும் டான்செட் மதிப்பெண் அடிப்படையில் மாணவர்களை சேர்த்து வருகின்றன. இந்த நிலையில், வரும் ஆண்டுக்கான நுழைவுத் தேர்வுக்கு ஆன்லைன் மூலம் விண்ணப்பிக்கலாம் என அண்ணா பல்கலைக் கழகம் அறிவித்துள்ளது.