"அ.தி.மு.க. ஆட்சியின் சாதனைகளை பட்டியலிட தயார்" - அமைச்சர் சேவூர் ராமச்சந்திரன்

திருவண்ணாமலை மாவட்டம் ஆரணியில் நடந்த பிரசாரத்தில், அமைச்சர் இருந்தும் எந்த பலனும் இல்லை என்று தி.மு.க. முன்னாள் அமைச்சர் எ.வ.வேலு குற்றசாட்டியிருந்தார். இந்நிலையில், ஊரக உள்ளாட்சி தேர்தலில் ஆரணி ஓன்றியங்களில் உள்ள பதவிக்கு போட்டியிடும் வேட்பாளர்களை ஆதரித்து அமைச்சர் சேவூர் ராமசந்திரன்,  முள்ளண்டிரம் சிறுமூர் அரியப்பாடி எஸ்.வி. நகரம் பையூர் வடுகசாத்து உள்ளிட்ட முப்பதுக்கும் மேற்பட்ட கிராமங்களில் அ.தி.மு.க. மற்றும் பா.ம.க., தே.மு.தி.க. வேட்பாளர்களை ஆதரித்து தீவிர வாக்கு சேகரிப்பில் ஈடுபட்டார். பின்னர் செய்தியாளர்களிடம் பேசிய அமைச்சர் சேவூர் ராமச்சந்திரன், கடந்த 3 ஆண்டுகளில் தாம் செய்தது குறித்து பட்டியலிட தயாராக உள்ளதாகவும், தி.மு.க. ஆட்சியில் செய்ததை பட்டியலிட அவர்கள் தயாரா என்றும் கேள்வி எழுப்பி உள்ளார்.