'கட்டில்' சுமந்து வாக்கு சேகரிப்பு : வார்டு உறுப்பினர் வேட்பாளர் செய்த ருசிகரம்

திருவண்ணாமலை மாவட்டம் ஆரணி அடுத்த சிறுமூரில் வார்டு உறுப்பினர் பதவிக்கு போட்டியிடும் வேட்பாளர் தமது சின்னமான கட்டிலை சுமந்து சென்று நூதன முறையில் வாக்கு சேகரித்தார். ஊரக உள்ளாட்சி அமைப்புகளுக்கான 2 ஆம் கட்ட தேர்தல் வரும் 30ஆம் தேதி நடைபெறுகிறது. இதில், சிறுமூரில் வார்டு உறுப்பினர் பதவிக்கு போட்டியிடும் வேட்பாளருக்கு கட்டில் சின்னம் ஒதுக்கப்பட்டுள்ளது. நூதன பிரச்சாரத்தில் ஈடுபட எண்ணிய அவர், கட்டிலை தோளில் சுமந்து சென்று வீடுவீடாக வாக்கு சேகரித்தார். இது பலரையும் வெகுவாக கவர்ந்துள்ளது.