அவனியாபுரம் ஜல்லிக்கட்டு : அமைதி பேச்சுவார்த்தையில் பல அமைப்பு பிரதிநிதிகள் பங்கேற்பு

பொங்கல் பண்டிகை நெருங்கி விட்ட நிலையில் புகழ்பெற்ற மதுரை அவனியாபுரத்தில் ஜல்லிக்கட்டு போட்டி நடைபெற உள்ளது. இதையொட்டி எந்தவித பிரச்சனைகளும் கருத்து வேறுபாடுகளும் எழாத வண்ணம் அமைதி பேச்சுவார்த்தை நடைபெற்றது. மாவட்ட ஆட்சியர் உத்தரவின் பேரில் அவனியாபுரம் காவல் நிலையத்தில் தெற்கு வட்ட தாசில்தார் அனிஸ் அக்தார் , காவல்துறை உதவி ஆணையர் ராமலிங்கம் முன்னிலையில் நடைபெற்ற இந்த பேச்சு வார்த்தையில், அவனியாபுரம் கிராம கமிட்டி உள்ளிட்ட பல அமைப்புகளை சேர்ந்த பிரதிநிதிகள் கலந்து கொண்டனர். வரும் 28 ம் தேதி மதுரை மாவட்ட ஆட்சியர் அலுவலகத்தில் நடைபெற கூட்டத்தில் கலந்து கொள்ள அப்போது முடிவெடுக்கப்பட்டது.