"அதிமுக மற்றும் கூட்டணி கட்சிகளுக்கு வாக்களியுங்கள்" - ஓ.பி.எஸ் - இ.பி.எஸ் கூட்டாக அறிக்கை

ஊரக உள்ளாட்சி தேர்தலில் போட்டியிடும், அ.தி.மு.க. மற்றும் கூட்டணி கட்சிகளுக்கு பொது மக்கள் வாக்களிக்க வேண்டும் என்று அக்கட்சியின் ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி பழனிசாமி ஆகியோர் வேண்டுகோள் விடுத்துள்ளனர். அவர்கள் வெளியிட்டுள்ள அறிக்கையில் ஊரக பகுதிகளில் முன்னாள் முதலமைச்சர் ஜெயலலிதா செய்த பல நலத்திட்டப்பணிகளை எண்ணி மக்கள் அ.தி.மு.க.விற்கு வாக்களிப்பார்கள் என நம்புவதாக கூறியுள்ளனர். தமிழ்நாட்டில் வன்முறைக்கு இடம் தராத வகையில் ஆட்சி நடைபெற்று வருவதாக குறிப்பிட்ட அவர்கள், இந்த அமைதியான சூழல் உள்ளாட்சி நிர்வாகத்திலும் இருந்திட நல்லவர்கள் கையில் உள்ளாட்சி பதவிகள் இருப்பது அவசியம் என்று கூறியுள்ளனர்.