டிக் டாக்கில் கத்தியுடன் சீமானை மிரட்டிய கும்பல் - கைது செய்து சிறையில் அடைத்த போலீஸ்

அனைத்து வீடியோக்களிலும் குழுவாக இருக்கும் 5 பேர் கும்பல் ஆபாசமாகவும் அருவருக்கும் வகையிலுமான டிக்டாக் வீடியோக்களை வெளியிட்டு வந்தனர். 19 வயதே ஆன அவர்கள் கஞ்சா புகைப்பதாகவும் போலீசாருக்கு தகவல் கிடைத்தது. இந்நிலையில் மக்கள் அச்சப்படும் அளவுக்கு வீடியோ வெளியிட்ட அவர்கள் திடீரென நாம் தமிழர் கட்சி ஒருங்கிணைப்பாளர் சீமானை வம்புக்கு இழுத்து டிக்டாக் வீடியோ வெளியிட்டனர். இந்த வீடியோ வெளியிட்ட தாம்பரத்தை சேர்ந்த மணிகண்டன், கிருஷ்ணகுமார், நிஷாந்த், அஜய், சுரேஷ் ஆகிய 5 பேரையும் பிடித்த போலீசார், அவர்களை சிறையில் அடைத்தனர். அனைவரும் மீதும் ஏற்கனவே வழக்குகள் இருப்பதாக போலீசார் தெரிவித்தனர்.