மீம்ஸ் போடுற மாம்ஸ்களுக்கு நித்தி அட்வைஸ்

சமூக வலைத்தளமே நித்தியின் பேச்சால் கலகலப்பாகி இருக்கிறது. தினம் அவர் என்ன பேசுவார்? என ஆர்வமாக தெரிந்து கொள்வதற்காகவே யூட்யூபில் சரியாக 9 மணிக்கு ஆஜராகும் ஆட்களும் அதிகம். 

சூரியனே என் பேச்சுக்கு கீழ்படிந்தது, மேகக் கூட்டம் என் உத்தரவிற்கு கட்டுப்பட்டது என பட்டையை கிளப்பும் நித்தியின் பேச்சு  மீம்ஸ் கிரியேட்டர்களுக்கு பெரும் தீனியாகவே உள்ளது. 

எந்த பக்கம் திரும்பினாலும் கைலாசாவும், நித்தியும் நிறைந்திருக்க நித்தியின் பேச்சோ மீம்ஸ் கிரியேட்டர்களுக்கு அறிவுரை வழங்கும் விதமாகவே அமைந்தது. 

புராணம், சித்தர்கள், கதைகள் என எல்லாவற்றிலும் மேற்கோள் காட்டி பேசும் நித்தி உறவு முறைகள் பற்றியும் சமீப காலமாக பேசி வருகிறார். எல்லாம் சரி தான். நான் யார்? என விரிவாக பேசும் நித்தி, எங்கே இருக்கிறேன் என்பதை சொல்வாரா?