"பெண் டிக்கெட் பரிசோதகரிடம் 4 சவரன் தங்க சங்கிலி பறிப்பு - போலீசார் தீவிர விசாரணை"

சென்னை பாரிஸில் இருந்து தாம்பரம் செல்லக்கூடிய புறநகர் ரயில், காலை ஏழு மணிக்கு கோடம்பாக்கம் ரயில் நிலையத்தில் பயணிகளை ஏற்றுவதற்காக நின்றது. அப்போது, பெண் ரயில் டிக்கெட் பரிசோதகரான ரெஜ்ஜனி என்பவர், பயணிகளிடம் டிக்கெட் சோதனை செய்து கொண்டிருந்தார். ரயில் புறப்பட்டபோது மர்ம நபர் ஒருவர் ரெஜ்ஜினி கழுத்தில் அணிந்திருந்த 4 சவரன் தங்க சங்கிலியை பறித்து விட்டு, ஓடும் ரயிலில் இருந்து குதித்து தப்பி ஓடியதாக கூறப்படுகிறது. இதைக்கண்டு, ரெஜ்ஜினி உள்பட பயணிகள் அனைவரும் அதிர்ச்சி அடைந்தனர். இதையடுத்து புகாரின் பேரில், விசாரணை நடத்தி வரும் ரயில்வே போலீசார், மர்ம நபரை தீவிரமாக தேடி வருகின்றனர்.