நீலகிரியில் சர்வ சாதாரணமாக உலாவும் புலி - தேயிலை தோட்ட தொழிலாளர்கள் பீதி

நீலகிரி மாவட்டம் கோத்தகிரி அருகே ஈளாடா பகுதியில், தாயை விட்டு பிரிந்த புலி குட்டி சர்வ சாதாரணமாக உலா வருவதால் அப்பகுதி மக்கள் பீதி அடைந்துள்ளனர். கடந்த 15 நாட்களில் மட்டும் 4 ஆடுகள், 2 மாடுகளை இந்த குட்டி புலி அடித்து கொன்றிருப்பதாகவும், அதை கூண்டு வைத்த பிடிக்க வேண்டும் எனவும் தேயிலை தோட்ட தொழிலாளர்கள் கோரிக்கை விடுத்துள்ளனர். இதனிடையே, வனத்தில் 7 இடங்களில் நவீன கேமிராக்கள் பொருத்தி, குட்டிபுலி நடமாட்டம் கண்காணிக்கப்பட்டு வருகிறது.