பழனி கோயிலில் உண்டியல் எண்ணிக்கை - 32 நாளில் ரூ.3 கோடியே 47 லட்சம் வசூல்

பழனி முருகன் கோயிலில் உண்டியல் காணிக்கை எண்ணப்பட்டது.  கார்த்திகை மண்டபத்தில் நடைபெற்ற இந்த பணியில் ஐநூற்றுக்கும் மேற்பட்ட கல்லூரி மாணவிகள், ஆசிரியர்கள், திருக்கோயில் அலுவலர்கள் மற்றும் வங்கி ஊழியர்கள் பங்கேற்றனர்.  இதில் ரொக்கமாக 3 கோடியே, 47 லட்சத்து 38ஆயிரத்து 539 ரூபாய் கிடைத்துள்ளது. இதேபோல் ஆயிரத்து 230கிராம் தங்கமும், 11ஆயிரத்து இருநூற்று 20கிராம் வெள்ளியும், 1788 வெளிநாட்டு கரன்சிகளும் உண்டியலில் இருந்தது. மேலும் புதிதாக 33கிராம் பவளமும் காணிக்கையாக கிடைத்துள்ளன.  இவை தவிர பித்தளை வேல், ஏலக்காய், முந்திரி, நவதானியங்கள் மற்றும் பட்டாடைகளையும் பக்தர்கள் காணிக்கையாக செலுத்தி இருந்தனர். இது கடந்த 32நாட்களில் கிடைத்த வருவாய் ஆகும்.