தனியார் ஹோட்டலில் மதுபோதையில் தகராறு : திரைப்பட வினியோகஸ்தர் உள்ளிட்ட 2 பேர் கைது

ஹோட்டலில் வாடிக்கையாளர் ஒருவரை துப்பாக்கியை காண்பித்து மிரட்டிய திரைப்பட வினியோகஸ்தர் மற்றும் அவரது நண்பரை போலீசார் கைது செய்தனர். சென்னை பாண்டி பஜாரை சேர்ந்த ஹேமந்த் என்பவர் கடந்த மாதம் 24 ஆம் தேதி தேனாம்பேட்டையில் உள்ள தனியார் ஹோட்டலில் இரவு விருந்திற்காக சென்றுள்ளார். அங்கு நெசப்பாக்கத்தை சேர்ந்த பிரவீன் மற்றும் திருவான்மியூரை சேர்ந்த சீனிவாசன் ஆகியோர், மது அருந்துவிட்டு அதற்கான பணத்தை கொடுக்கச்சொல்லி ஹேமந்திடம் தகராறில் ஈடுபட்டுள்ளனர். 

பின்னர் ஹேமந்தை ஹோட்டலில் உள்ள கார் பார்க்கிங் பகுதிக்கு அழைத்துச் சென்று காரில் வைத்து துப்பாக்கியை காண்பித்து மிரட்டி உள்ளனர். இதனையடுத்து ஹேமந்த் கொடுத்த புகாரின் பேரில் வழக்கு பதிவு செய்து விசாரணை நடத்திய போலீசார் சினிமா பட வினியோகஸ்தர் பிரவீன் மற்றும் அவரது நண்பர் சீனிவாசனை கைது செய்தனர்.