பறிமுதல் செய்யப்பட்ட லாரியில் இருந்து பேட்டரி திருட்டு : இளைஞருடன் சேர்ந்து திருட்டில் ஈடுபட்ட சப் இன்ஸ்பெக்டர்

மாமல்லபுரம் அருகே பறிமுதல் செய்யப்பட்ட லாரியில் இருந்து டீசல், பேட்டரியை சப்-இன்ஸ்பெக்டர் ஒருவர் திருடிச் செல்லும் சிசிடிவி காட்சி வெளியாகி உள்ளது. செங்கல்பட்டு மாவட்டம் திருக்கழுக்குன்றம் காவல் நிலையத்தில் மணல் திருட்டு வழக்கில் பறிமுதல் செய்யப்பட்ட லாரி ஒன்று கிரிவலப்பாதையில் நிறுத்தி வைக்கப்பட்டிருந்தது. இந்த லாரியில் இருந்த டீசல் மற்றும் பேட்டரியை சப் இன்ஸ்பெக்டர் கார்த்திகயேன் இளைஞர் ஒருவரின் உதவியுடன் சேர்ந்து திருடிச் செல்லும் காட்சி அங்குள்ள சிசிடிவி கேமராவில் பதிவாகி உள்ளது. இந்த காட்சிகளானது சமூக வலை தளங்களிலும் வேகமாக பரவி வருகிறது.