தமிழகத்தில் பரவலாக மழை : மக்கள் மகிழ்ச்சி

வெப்பச்சலனம் காரணமாக சென்னையில் மழை பெய்யும் என வானிலை ஆய்வு மையம் தெரிவித்திருந்த நிலையில், நுங்கம்பாக்கம், சைதாப்பேட்டை, கிண்டி எழும்பூர், சேத்துப்பட்டு , அடையாறு ஆகிய பகுதிகளில் இரவு நேரத்தில் மழை பெய்தது.

கும்பகோணம் மற்றும் அதன் சுற்றுவட்டார பகுதிகளில் காலை முதல் இரவு வரை தொடர்ந்த மழையால் சாலைகளில் நீர் பெருக்கெடுத்து ஓடியது. தொடர் மழை காரணமாக அங்கு குளம் , குட்டைகள் , நிரம்பியுள்ளதால் பொதுமக்கள் , விவசாயிகள் மகிழ்ச்சி அடைந்துள்ளனர்.

கோவையில் சுமார் ஒரு மணி நேரம் வெளுத்து வாங்கிய மழையால் சாலைகளில் நீர் தேங்கியது, மழை காரணமாக ஆங்காங்கே போக்குவரத்து நெரிசல் ஏற்பட்டது. 

நீலகிரி மாவட்டம் ஊட்டி, தொட்டபெட்டா, கோடநாடு, உள்ளிட்ட பல்வேறு பகுதிகளில் பரவலாக பெய்த மழை காரணமாக, அங்கு கடும் குளிர் நிலவி வருகிறது. மழை காரணமாக வாகனங்கள் முகப்பு விளக்கு போட்டு ஊர்ந்து சென்றது.