தொடர்மழை எதிரொலி-காய்கறிகள் விலை உயர்வு

தொடர்மழை காரணமாக வரத்து குறைந்ததால் சென்னை கோயம்பேடு சந்தையில் காய்கறிகள் விலை கடுமையாக உயர்ந்துள்ளது.

1 கிலோ உருளைகிழங்கு விலை 15 ரூபாயில் இருந்து 30 ரூபாயாகவும், வெண்டைக்காய் விலை 5 ரூபாயில் இருந்து 40 ரூபாயாகவும் அதிகரித்துள்ளது. அதேபோல், கடந்த வாரம் பத்து ரூபாய்க்கு விற்பனை செய்யப்பட்ட கத்திரிக்காய் மற்றும் பாகற்காய் விலை 40 ரூபாயாக உயர்ந்துள்ளது. 1 கிலோ வெங்காயம் விலை 25 ரூபாயில் இருந்து 80 ரூபாயாகவும், 1 கிலோ தக்காளி 15 ரூபாயில் இருந்து 30 ரூபாயாகவும் அதிகரித்துள்ளதாக வியாபாரிகள் தெரிவித்துள்ளனர்.