3 சட்டப்பேரவை தொகுதிகளில் இன்று வாக்குப்பதிவு
தமிழகத்தில் இரண்டு தொகுதிகள் மற்றும் புதுச்சேரி தொகுதியில் இன்று இடைத்தேர்தல் நடைபெறுகிறது.
தமிழகத்தில் விக்கிரவாண்டி, நாங்குநேரி ஆகிய இரண்டு தொகுதிகளிலும், புதுச்சேரியில் உள்ள காமராஜ் நகர் தொகுதியிலும் இடைத்தேர்தல் அறிவிக்கப்பட்டுள்ளது. இந்த 3 தொகுதிகளிலும் இன்று காலை வாக்குப்பதிவு தொடங்குகிறது. இதற்கான ஏற்பாடுகளில் தேர்தல் ஆணையம் மும்முரமாக ஈடுபட்டுள்ளது. வாக்குச்சாவடி மையங்களில் பலத்த பாதுகாப்பு போடப்பட்டுள்ளது. பதற்றமான பகுதிகளில் துணை ராணுவத்தினர் பணியில் ஈடுபட்டுள்ளனர். நாளை நடைபெறும் தேர்தலில் பதிவாகும் வாக்குகள், 24ஆம் தேதியன்று எண்ணப்பட்டு முடிவுகள் அறிவிக்கப்படும்.
இடைத்தேர்தல் - இன்று வாக்குப்பதிவு : துணை ராணுவத்தினர் கொடி அணிவகுப்பு
இன்று இடைத்தேர்தல் நடைபெற உள்ள நிலையில், விக்கிரவாண்டியில் துணை ராணுவத்தினர் மற்றும் காவல்துறையினர் கொடி அணிவகுப்பு நடத்தினர். விக்கிரவாண்டி தொகுதியில் மொத்தம் 50 வாக்குச்சாவடிகள் பதற்றமானவை என கண்டறியப்பட்டுள்ள நிலையில், வாக்காளர்கள் அச்சமின்றி வாக்களிக்கும் வகையில், இந்த அணிவகுப்பு நடத்தப்பட்டது.
Next Story
