அமைச்சர் விஜயபாஸ்கர் தலைமையில் மோட்டார் சைக்கிள் பேரணி

நெல்லை மாவட்டம் நாங்குநேரியில் இறுதிக்கட்ட பிரச்சாரம் நடைபெற்று வருகிறது.அதன் ஒரு பகுதியாக களக்காட்டில் அதிமுக வேட்பாளரை ஆதரித்து சுகாதாரத்துறை அமைச்சர் விஜயபாஸ்கர் தலைமையில் மோட்டார் சைக்கிள் பேரணி நடைபெற்றது. வரதராஜ பெருமாள் கோயில் முன்பு தொடங்கி முக்கிய வீதிகள் வழியாக சென்று அண்ணா சிலையை பேரணி சென்றடைந்ததது. இதில் அமைச்சர் விஜயபாஸ்கர் ஹெல்மெட் அணிந்தவாறு மோட்டார் சைக்கிளை ஓட்டி சென்றார். இதில் ஏராளமானவர்கள் மோட்டார் சைக்கிள் மற்றும் ஆட்டோக்களில் பங்கேற்று பேரணியாக சென்றனர்.