கட்டணமின்றி சிகிச்சை அளிக்கும் சித்த வைத்தியர் : டெங்குவை குணப்படுத்த சேவையாற்றும் சித்தவைத்தியர்

நாகை அருகே டெங்கு காய்ச்சலை குணப்படுத்த, பொதுமக்களுக்கு கட்டணமின்றி, சித்த வைத்தியர் ஒருவர் 20 ஆண்டுகளாக  சேவையாற்றி வருகிறார். திட்டச்சேரி கிராமத்தை சேர்ந்த அஜ்மல்கான், தனது குடும்பத்தினர் செய்து வந்த சித்த வைத்திய சிகிச்சையை தொடர்ந்து செய்து வருகிறார். திருமருகல் பகுதியில் உள்ள அரசு மற்றும் தனியார் பள்ளி மாணவர்களுக்கு அவர் இலவசமாக, நிலவேம்பு கசாயம் வழங்கி வருகிறார். அதுமட்டுமல்லாமல், டெங்கு பாதிப்பால் சிகிச்சை பெற தன்னிடம் வருவோருக்கும், அவர் இலவசமாக சிகிச்சை அளித்து வருகிறார். அஜ்மல்கான் சேவைக்கு அப்பகுதி மக்கள் வரவேற்பு தெரிவித்துள்ளனர்.