"10 லட்சம் பேருக்கு வேலை - வாக்குறுதி என்ன ஆனது" : திமுக தலைவர் ஸ்டாலின் கேள்வி

10 லட்சம் பேருக்கு வேலை கிடைக்கும் என அறிவிக்கப்பட்ட வாக்குறுதி என்ன ஆனது? என திமுக தலைவர் ஸ்டாலின் கேள்வி எழுப்பியுள்ளார். காங்கிரஸ் வேட்பாளர் ரூபி மனோகரனை ஆதரித்து நாங்குநேரி, பரப்பாடி உள்ளிட்ட இடங்களில் அவர் வாக்கு சேகரித்தார். அப்போது தேர்தல் வந்தாலும், வராவிட்டாலும் பொறுப்பில் இருந்தாலும் இல்லாவிட்டாலும் மக்களின் குறைகளை திமுகவினர் கேட்டு வருவதாக தெரிவித்தார். தமிழக அரசு சார்பில் உலக அளவில் முதலீடுகளை ஈர்க்க மாநாடு நடத்தப்பட்டதை சுட்டிக்காட்டிய ஸ்டாலின், ஒரு லட்சம் இளைஞர்களுக்காவது, வேலை கொடுக்கப்பட்டதா? என்றும் கேள்வி எழுப்பினார்.