தேசிய நெடுஞ்சாலையில் தீ பிடித்து எரிந்த சொகுசு கார் : அதிர்ஷ்டவசமாக உயிர்தப்பிய பயணிகள்

வேலூர் மாவட்டம், காட்பாடியை சேர்ந்த ஆனந்தராஜ் தன்னுடைய உறவினருடன் சென்னையிலிருந்து  காட்பாடி நோக்கி சொகுசு காரில் சென்று கொண்டிருந்தார். அப்போது காஞ்சிபுரம் அருகே வந்த போது, காரிலிருந்து திடீரென புகை எழுந்துள்ளது. இதையடுத்து உடனடியாக ஆனந்தராஜ் காரை விட்டு இறங்கிய நிலையில், சில நிமிடங்களிலேயே கார் மளமளவென கொழுந்துவிட்டு எரிய தொடங்கியது. தகவல் அறிந்து வந்த தீயணைப்பு துறையினர் தீயை அணைத்தனர். இந்த தீ விபத்தில் சொகுசு கார்  முழுவதுமாக எரிந்து சேதமானது .