பட்டப்பகலில், சுவர் ஏறிக் குதித்து திருட முயற்சி : கொள்ளையனை மடக்கிப்பிடித்த பொதுமக்கள்

வேலூர் மாவட்டம் வாணியம்பாடியில், பட்டப்பகலில், வீட்டின் சுவர் ஏறிக் குதித்து திருட முயன்ற கொள்ளையனை, பொதுமக்கள் மடக்கிப் பிடித்து போலீசாரிடம் ஒப்படைத்தனர். ஆசிரியர் நகரைச் சேர்ந்த  தொழிலதிபர் வாஜித் என்பவர் வீட்டின் மதில் சுவரில் ஏறிக்குதித்து, 2 கொள்ளையர்கள் கைவரிசை காட்ட முயன்றனர். அப்போது,  வீட்டில் இருந்த பெண்கள் சத்தமிடவே அங்கு கூடிய பொதுமக்கள், ஒருவனை பிடித்து போலீசாரிடம் ஒப்படைத்தனர். தப்பியோடிய மற்றொரு கொள்ளையனை, வாணியம்பாடி போலீசார் தேடி வருகின்றனர்.