தங்கச் சங்கிலிக்கு மாற்றாக தங்கக் கட்டி வாங்கியவர் : சோதனையில் போலி என தெரியவந்ததால், புகார்

கன்னியாகுமரி மாவட்டம் நாகர்கோவில் வடசேரி பேருந்து நிலையத்தில், போலி தங்க கட்டிகள் கொடுத்து 3 சவரன் தங்க நகைகள் மோசடி செய்யப்பட்டது. திருவனந்தபுரம் தைக்காடு பகுதியைச் சேர்ந்த கணேசன் என்பவர், உறவினர் வீட்டுக்குச் சென்றுவிட்டு திரும்பியுள்ளார். வடசேரி பேருந்து ஏறிய அவரை அணுகிய மர்மநபர்கள் 3 பேர், தங்க கட்டிகளை வாங்கி விற்றால் அதிக லாபம் கிடைக்கும் என கூறியுள்ளனர். இதைத் தொடர்ந்து, தன்னிடம் பணம் இல்லை என கூறிய அவரிடம், தங்கச் சங்கிலிக்கு மாற்றாக தங்கக் கட்டி வழங்கப்பட்டுள்ளது. பின்னர் சோதித்த போது, அது போலி என தெரியவந்தது.