ராணுவ வீரர் வீட்டில் தீ விபத்து - மின்சாதன பொருட்கள் உள்ளிட்ட அனைத்தும் சேதம்

மதுரை மாவட்டம் திருமங்கலம் அருகே ராணுவ வீரர் வீடு தீப்பிடித்து எரிந்ததில், முற்றிலும் நாசமானது. கப்பலூர் காந்திநகரைச் சேர்ந்த ராணுவ வீரர் நாகராஜன், விடுப்பில் வீடு வந்துள்ளார். அதிகாலை அவரது வீட்டில் தீப்பிடித்துள்ளது. இதில், வாஷிங் மெஷின், ஏசி, மின்விசிறி உள்ளிட்ட மின் பொருட்கள் நாசமானது. வீடு முழுவதும் தீ பரவியதில், கருப்பாக மாறியுள்ளது. இதனிடையே, அவசர அழைப்பான 101க்கு அழைத்தபோது, தொடர்பில் யாரும் இல்லை என்றும், தீயணைப்பு நிலைய தொலைபேசியை யாரும் எடுக்கவில்லை என்றும் அப்பகுதியினர் குற்றம்சாட்டி உள்ளனர்.