திருப்பரங்குன்றம் சுப்பிரமணிய சுவாமி கோயிலில் சர்ச்சை : மூலவர் சன்னதி வரை சென்ற கன்னியாஸ்திரி

திருப்பரங்குன்றம் முருகன் கோயிலில், கன்னியாஸ்திரி ஒருவர் கோயில் மூலவர் சன்னதி வரை சென்றதால் பெரும் சர்ச்சை எழுந்துள்ளது. கடந்த வெள்ளிக்கிழமை நடந்த இந்த சம்பவம் குறித்து கோவில் நிர்வாகத்திடம் கேட்டதற்கு அவர்கள் பதில் அளிக்கவில்லை என்று புகார் எழுந்துள்ளது. கோவிலில் பலத்த பாதுகாப்பு உள்ள நிலையில், கன்னியாஸ்திரி உடையிலேயே ஒருவர் கோயிலுக்குள் சென்றது எப்படி என்று ஹிந்து மக்கள் கட்சியினர் கேள்வி எழுப்பியதோடு, கோவில் நிர்வாகத்தை கண்டித்து போராட்டத்தில் ஈடுபட போவதாக அறிவித்துள்ளனர்.