செஞ்சி அருகே பட்டாசு ஏற்றிச் சென்ற மினி டெம்போ வெடித்து சிதறி விபத்து

விழுப்புரம் மாவட்டம் திண்டிவனத்தில் இருந்து திருவண்ணாமலை நோக்கி சென்ற மினி வேன் ஒன்று இன்று காலை  வடவானுர்  அருகே வந்த போது திடீரென புகை வந்துள்ளது. இதனை கண்டு அதிர்ச்சி அடைந்த ஓட்டுநர் வேனை நிறுத்தி விட்டு தண்ணீரை எடுத்து வர முயற்சி செய்துள்ளார்.  இதற்கிடையே அருகில் இருந்த மக்கள்  வண்டியில் என்ன இருக்கிறது என கேட்டுள்ளனர். பட்டாசுகள் இருப்பதாக வேன் ஓட்டுநர் கூறியதை அடுத்து சிலர் தீயை அணைக்க முயற்சி செய்தனர். அப்போது, பட்டாசுகள் வெடிக்க தொடங்கியதால் மற்றவர்கள் சிதறி ஓடினர். தண்ணீருடன் சென்று தீயை அணைக்க  ஓட்டுனர் முயன்றுள்ளார். எனினும் பட்டாசுகள் வெடித்து சிதறியதில் 2 பேர் உடல் சிதறி உயிரிழந்தனர். படுகாயம் அடைந்த பத்துக்கும் மேற்பட்டோர் செஞ்சி அரசு மருத்துவமனைக்கு சிகிச்சைக்காக அனுப்பி வைக்கப்பட்டு உள்ளனர். விபத்து குறித்து போலீசார் வழக்குப்பதிவு செய்த விசாரித்து வருகின்றனர்.