பாளையங்கோட்டை தசரா திருவிழா தொடக்கம் : 12 அம்மன் ஆலயங்களில் வீதிஉலா நிகழ்ச்சி கோலாகலம்

நெல்லை மாவட்டம் பாளையங்கோட்டையில் பிரசித்திபெற்ற தசரா திருவிழாவின் தொடக்க நாளை முன்னிட்டு, 12 அம்மன் ஆலயங்களில் வீதி உலா நிகழ்ச்சி வெகு விமரிசையாக நடைபெற்றது. முன்னதாக, கடந்த 28 ஆம் தேதி பாளையங்கோட்டையின் ஊர்காவல் தெய்வமான ஆயிரத்தம்மன் கோவிலில் கொடியேற்றத்துடன் தசரா திருவிழா தொடங்கியது. நகரின் முக்கிய வீதிகள் வழியாக உலா வந்த அம்மன் சப்பரங்களுக்கு, ராமசாமி கோவில் திடலில் அதிகாலையில் சிறப்பு பூஜைகள் நடைபெற்றன. பின்னர், தசரா திருவிழா தொடங்கியதன் அறிவிப்பை வெளிப்படுத்தும் விதமாக, ஒவ்வொரு கோவில்களிலும் திரிசூல கொடி ஏற்றும் நிகழ்வு நடைபெறுகிறது.