"இந்திய இளைஞர்களின் கனவுகளை நீட் தேர்வு சிதைத்து கொண்டு வருகிறது" - தி.மு.க. தலைவர் ஸ்டாலின்

இதுதொடர்பாக பதிவிட்டுள்ள தி.மு.க. தலைவர் ஸ்டாலின், போலி இரட்டை இருப்பிடச் சான்றிதழ், வினாத் தாள்களில் தவறான மொழி பெயர்ப்பு, மாணவர்கள் ஆள்மாறாட்டம்  என இந்திய இளைஞர்களின் கனவுகளை  நீட் தேர்வு சிதைத்துக் கொண்டிருப்பதாக தெரிவித்துள்ளார். அனைத்து முறைகேடுகள் குறித்தும் உயர்மட்ட விசாரணை நடத்த மத்திய அரசு உடனடியாக உத்தரவிட வேண்டும் என்றும் ஸ்டாலின் வலியுறுத்தி உள்ளார்.  அனிதாவின் மரணத்தில் இழைக்கப்பட்ட அநீதி தொடங்கி, சமீபத்திய ஆள்மாறாட்ட முறைகேடு வரை, நீட் தேர்வு நம் மாணவர்களை ஏமாற்றிக் கொண்டிரு​ப்பதாகவும் ஸ்டாலின் சுட்டிக்காட்டி உள்ளார். நீட் தேர்வுக்குத் தடை விதிக்க மத்திய அரசுக்கு, அ.தி.மு.க அரசு உடனடியாக  அழுத்தம் தர வேண்டும் என்றும் தமது பதிவில் ஸ்டாலின் வலியுறுத்தி உள்ளார்.