பட்டப்பகலில் இளம்பெண்ணிடம் செயின் பறிப்பு : காவல் ஆணையர் அலுவலகம் அருகே துணிகரம்

அண்ணா பல்கலை கழகத்தில் நிர்வாக பிரிவில் உதவி ஆய்வாளராக பணிபுரிந்து வரும் செல்வ மெரின் என்ற இளம்பெண், வேலைக்கு செல்வதற்காக எழும்பூர் ரயில் நிலையம் சென்று கொண்டிருந்த‌ார்.அப்போது எதிரே இருசக்கர வாகனத்தில் ஹெல்மெட் அணிந்த படி வந்த கொள்ளையர்கள், கண் இமைக்கும் நேரத்தில், செல்வ மெரின் அணிந்திருந்த நகையை பறிக்க முயன்றனர். சுதாரித்து கொண்ட செல்வ மெரின் செயினை இறுக்கமாக பிடித்து கொள்ள, கையில் கிடைத்த சுமார் 1 சவரன் நகையுடன் கொள்ளையர்கள் தப்பி ஓடிவிட்டனர்.