பல்வேறு கோரிக்கைகளை வலியுறுத்தி ஓய்வுபெற்ற போக்குவரத்து ஊழியர்கள் ஆர்ப்பாட்டம்

அகவிலைப்படி உயர்வு, நிலுவைத் தொகையை வழங்குதல் உள்ளிட்ட பல்வேறு கோரிக்கைகளை வலியுறுத்தி,  சென்னை பல்லவன் இல்லம் முன்பு ஆயிரத்திற்கும் மேற்பட்ட ஓய்வுபெற்ற போக்குவரத்து ஊழியர்கள் ஆர்ப்பாட்டத்தில் ஈடுபட்டனர்.  முன்னதாக, கோரிக்கையை வலியுறுத்தி கோட்டையை நோக்கி பேரணியாக சென்று​ முற்றுகை போராட்டம் நடத்த திட்டமிடப்பட்டிருந்தது. போக்குவரத்து துறை செயலாளர் பேச்சுவார்த்தை நடத்துவதாக உறுதி அளித்ததை தொடர்ந்து, அந்த போராட்டம் கைவிடப்பட்டது. பேச்சுவார்த்தையில் உடன்பாடு ஏற்படாவிட்டால் தொடர் போராட்டம் நடைபெறும் என தொழிற்சங்கத்தினர் அறிவித்துள்ளனர்.