வீட்டின் முன் நிறுத்தப்பட்ட இருசக்கர வாகனம் திருட்டு - சிசிடிவி கேமராவால் சிக்கிய திருடன்

வேலூர் மாவட்டம், குடியாத்தம் அடுத்த சாமிரெட்டிபல்லி பகுதியைச் சேர்ந்த பர்வேஸ்,  நடுப்பேட்டையில் உள்ள தனது உறவினரை காண இருசக்கர வாகனத்தில் வந்துள்ளார். வீட்டு வாசலில் வாகனத்தை நிறுத்தி விட்டுச் சென்றவர், திரும்பி வந்து பார்க்கையில் வாகனம் காணாமல் போனதை கண்டு அதிர்ச்சி அடைந்துள்ளார். இதையடுத்து அங்கு இருந்த  சிசிடிவி கேமராவை ஆய்வு செய்தபோது, இரண்டு பேர் வாகனத்தை திருடிச் செல்லும் காட்சிகள் பதிவாகி இருந்தன. இதன் அடிப்படையில் விசாரணை மேற்கொண்ட போலீசார் அதே கிராமத்தைச் சேர்ந்த 2 பேரை கைது செய்தனர்.