பட்டப்பகலில் கல்லூரி மாணவர் வெட்டிக்கொலை : முன்விரோதம் காரணமாக கல்லூரி முன்பு வெறிச்செயல்

தூத்துக்குடி மாவட்டம், ஸ்ரீவைகுண்டம் அருகே உள்ள செய்துங்கநல்லூரை சேர்ந்தவர் அபிமணி. இவர் அங்குள்ள தனியார் கல்லூரியில் பயின்று வருகிறார். கடந்த சில மாதங்களுக்கு முன்பு கோயில் திருவிழாவின் போது அதேப் பகுதியை சேர்ந்த குமார் என்பவருக்கும் அபிமணிக்கும் தகராறு ஏற்பட்டு, இருவருக்கும் இடையை முன்விரோதம் இருந்து வந்துள்ளது. இந்நிலையில் அபிமணி கல்லூரியில் இருந்து மதிய உணவு இடைவெளிக்காக வெளியே வந்தபோது, குமார் மற்றும் அவரது நண்பர் காமராஜ் உள்ளிட்ட சிலர், கல்லூரி முன்பாக வைத்து அபிமணியை வெட்டிக்கொலை செய்து விட்டு தப்பி சென்றுவிட்டதாக தெரிகிறது. தகவல் அறிந்து வந்த போலீசார், அபிமணியின் உடலை கைப்பற்றி கொலையாளிகளை வலைவீசி தேடி வருகின்றனர்.