அதிமுக வேட்பாளர்கள் இன்று அறிவிப்பு...?

விக்கிரவாண்டி மற்றும் நாங்குநேரி தொகுதிகளில் அதிமுக சார்பாக போட்டியிடுவோரிடம் அந்த கட்சித் தலைமை சார்பாக விருப்பமனு பெறப்பட்டு வருகிறது. இன்று பிற்பகல் 3 மணி வரை விருப்ப மனு அளிக்கலாம் என அறிவிக்கப்பட்டுள்ளது. இதுபோல, புதுச்சேரி காமராஜ் நகர் தொகுதிக்கான விருப்பமனுவும் இன்று பெறப்படுகிறது. 3 தொகுதிகளுக்கும் விருப்ப மனு அளிப்பவர்களிடம் இன்று மாலை நேர்காணல் நடைபெறுகிறது. இதைத் தொடர்ந்து, அதிமுக வேட்பாளர்களின் பெயர்கள் அறிவிக்கப்படும் என எதிர்பார்க்கப்படுகிறது.