சென்னையில் கடந்த 2 நாட்கள் பெய்த மழை எதிரொலி - நிலத்தடி நீர்மட்டம் உயர்வு

சென்னையில் கடந்த இரண்டு நாட்களாக பெய்த மழை காரணமாக, நிலத்தடி நீர் மட்டம் பரவலாக உயர்ந்துள்ளதாக  குடிநீர் வடிகால் வாரியம் தெரிவித்துள்ளது. அதிகபட்சமாக அம்பத்தூரில் கடந்த ஆகஸ்ட் மாதத்தைக் காட்டிலும் தற்போது 5 புள்ளி 5 மீட்டர் வரையிலும்,கொரட்டூரில் 5 மீட்டர் வரையிலும் நிலத்தடி நீர்மட்டம் உயர்ந்து இருப்பதாக, தெரிவிக்கப்பட்டுள்ளது. குறைந்தபட்சமாக சோழிங்கநல்லூரில் 0 புள்ளி 3 மீட்டர் வரை நிலத்தடி நீர்மட்டம் உயர்ந்து இருப்பதாகவும், குடிநீர் வடிகால் வாரியம் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.