சென்னை : மின் கசிவால் நகை பெட்டி குடோனில் தீ விபத்து

சென்னை சவுகார்பேட்டையில் நகை பெட்டி குடோனில் திடீர் தீ விபத்து ஏற்பட்டது. வீரப்பன் தெருவில் உள்ள அடுக்கு மாடி கட்டிடத்தில் ஏற்பட்ட தீ விபத்து குறித்து தகவலறிந்து வந்த தீயணைப்பு துறையினர், சுமார் ஒன்றரை மணி நேரம் போராடி தீயை அணைத்தனர். இதில் மக்கள் அவசர அவசரமாக சம்பவ இடத்தில் இருந்து வெளியேற்றப்பட்டதால் பெரும் உயிர் சேதம் தவிர்க்கப்பட்டது. தொடர்ந்து 4 வது மாடியில் தஞ்சமடைந்த 3 பேர் பத்திரமாக மீட்கப்பட்டனர். முதற்கட்ட விசாரணையில் மின் கசிவு காரணமாக இந்த தீ விபத்து ஏற்பட்டது தெரியவந்துள்ளது.