டயர் வெடித்து கார் பள்ளத்தில் கவிழ்ந்து விபத்து - 4 பேர் பலி
கள்ளக்குறிச்சி அருகே டயர் வெடித்து கார் பள்ளத்தில் கவிழ்ந்து ஏற்பட்ட விபத்தில் 4 பேர் சம்பவ இடத்திலேயே உயிரிழந்தனர்.
விழுப்புரத்தை சேர்ந்த ஏழுமலை என்பவர் தனது குடும்பத்தினருடன், தன் மகளுக்கு பார்த்த மாப்பிள்ளையின் வீட்டிற்கு செல்ல, ஈரோடு அருகே உள்ள கந்தவாசல் கிராமத்திற்கு காரில் சென்றுள்ளார்.
செல்லும் வழியில் கள்ளக்குறிச்சி அருகே தியாகதுருகம் புறவழிச்சாலை மேம்பாலம் அருகில், காரின் டயர் வெடித்து, சாலையோரத்தில் இருந்த 30 அடி பள்ளத்தில் கார் கவிழ்ந்து விபத்து ஏற்பட்டது.
இதில் காரில் இருந்த ஏழுமலை, பாலாஜி, சித்ரா, ஜெயக்கொடி ஆகிய நான்கு பேர் சம்பவ இடத்திலேயே உயிரிழந்தனர். மேலும் சாந்தி, சிவகுமார் படுகாயம் அடைந்த நிலையில் மருத்துவமனையில் தீவிர சிகிச்சை பெற்று வருகின்றனர்.
இந்நிலையில் விபத்து குறித்து போலீசார் வழக்கு பதிவு செய்து, விசாரணை செய்து வருகின்றனர்.
Next Story
