நட்சத்திர ஒட்டலில் கைதியுடன் மது அருந்திய விவகாரம் - 3 சிறை காவலர்கள் சஸ்பெண்ட்

மதுரையில் கைதியுடன் நட்சத்திர ஓட்டலில் மது அருந்தியதாக 3 சிறை காவலர்கள் சஸ்பெண்ட் செய்யப்பட்டுள்ளனர். மதுரை மத்திய சிறைச்சாலையின் உதவி சிறை வார்டன் முனியாண்டி, முதல் நிலை சிறை காவலர்கள் எம்.ஜி மணி, மூர்த்தி ஆகிய 3 பேரும்  மதுரை கோச்சடை பகுதியில் உள்ள தனியார் நட்சத்திர விடுதியில் ஜாமின் கைதி முத்து கிருஷ்ணன் என்பவருடன் மது அருந்தியதாக புகார் எழுந்தது. இது குறித்து சிறை கண்காணிப்பாளர் ஊர்மிளா தலைமையில் விசாரணை நடத்தப்பட்டதில் புகார் நிரூபிக்கப்பட்டதாக தெரிகிறது. இதையடுத்து மூன்று பேரையும் பணியிடை நீக்கம் செய்து சிறைக்கண்காணிப்பாளர் உத்தரவிட்டுள்ளார்.