மதுரை மீனாட்சி அம்மன் கோவிலில் இலவச லட்டு

திருப்பதி ஏழுமலையான் கோவிலில், பக்தர்களுக்கு லட்டு விநியோகிப்பது போல, மதுரை- மீனாட்சி அம்மன் கோவிலிலும் லட்டு வழங்க முடிவு செய்யப்பட்டு உள்ளது. மதுரையில் செய்தியாளர்களிடம் பேசிய கோவில் தக்கார் கருமுத்து கண்ணன், தரிசனம் செய்ய வரும் பக்தர்களுக்கு முழுக்க முழுக்க எந்திரம் மூலம் தயாரிக்கப்படும் லட்டு, இலவசமாக வழங்கப்படும் என்றார். இந்த திட்டம் வரும் தீபாவளி நாளான அக்டோபர் 27 ம் தேதி முதல் அமலுக்கு வரும் என்று கருமுத்து கண்ணன் தெரிவித்தார்.