5,000 ஏரிகளை புனரமைக்க முடிவு, திட்டமதிப்பை தயார் செய்ய உத்தரவு - பொறியாளர்களுக்கு பொதுப்பணித்துறை ஆணை

தமிழக அரசின் குடிமராமத்து திட்டம் மக்கள், விவசாயிகள் மத்தியில் பெரும் ஆதரவு பெற்றது. இதையடுத்து, இந்த திட்டத்தை மேம்படுத்தும் வகையில், அடுத்து 5 ஆயிரம் ஏரிகளை தூர்வார தமிழக அரசு முடிவு செய்துள்ளது. இதற்காக பொதுப்பணி நீர்வள தலைமை பொறியாளர் ராமமூர்த்தி, அனைத்து மண்டல தலைமை பொறியாளர்களுக்கும் சுற்றறிக்கை ஒன்றினை அனுப்பியுள்ளார்.  5 ஆண்டுகளாக தூர் வாரப்படாத ஏரிகளை கண்டறிந்து திட்ட அறிக்கை தயாரிக்க அறிவுறுத்தியுள்ளார். அறிக்கை கிடைத்ததும் முன்னுரிமை அடிப்படையில் ஏரிகள் தூர்வாரப்படும் என்றும் அதில் குறிப்பிட்டுள்ளார். உத்தரவை தொடர்ந்து, திட்ட அறிக்கை தயாரிக்கும் பணியில் அனைத்து தலைமை பொறியாளர்கள் தீவிரமாக ஈடுபட்டுள்ளனர்.