தேவாலய நிர்வாகம் - ஆசிரியர்கள் இடையே மோதல்

மதுரை மாவட்டம் கரிமேடு பகுதியில் தேவாலய நிர்வாகம் மற்றும் பள்ளி ஆசிரியர்கள் இடையிலான மோதல் காரணமாக, பள்ளியில் மின்இணைப்பு துண்டிக்கப்பட்டது. அங்கு அபிஷேக நாதர் தேவாலய நிர்வாகத்தின் கீழ் செயல்பட்டு வரும் நடுநிலைப் பள்ளியில் நடப்பாண்டு மாணவர் எண்ணிக்கை  குறைந்ததாக கூறப்படுகிறது. இதனை அடுத்து பள்ளியின் நிர்வாக செலவுகளை ஆசிரியர்களே ஏற்க வேண்டுமென தேவாலய நிர்வாகம் தெரிவித்தது. இந்நிலையில் கடந்த மாத மின்கட்டணம் 4 ஆயிரம் ரூபாய் கட்டாததால், பள்ளியில் மின் இணைப்பு துண்டிக்கப்பட்டது. இதனால் மின்வசதி இன்றி மாணவர்கள் மிகுந்த சிரமத்திற்கு ஆளாகி உள்ளனர். மாவட்ட கல்வி அதிகாரிகள் தலையிட்டு, பிரச்சினைக்கு தீர்வு காண வேண்டுமென அப்பகுதி மக்கள் கோரிக்கை விடுத்துள்ளனர்