மணப்பாறை அரசு பள்ளியில் ஆசிரியர் தினவிழா கோலாகலம் - கலை நிகழ்ச்சிகளை ரசித்த ஸ்வீடன் மாணவர்கள்

திருச்சி மாவட்டம் மணப்பாறை அருகே கருங்குளம் அரசு பள்ளியில் நடந்த ஆசிரியர் தினவிழாவில், ஸ்வீடனை  சேர்ந்த மாணவ, மாணவிகள் மற்றும் ஆசிரியர்கள் கலந்துகொண்டு, பாரம்பரிய கலை நிகழ்ச்சிகளை கண்டு களித்தனர். முன்னதாக அப்பகுதிக்கு வந்த ஸ்வீடன் நாட்டினருக்கு, பள்ளி நிர்வாகம் சார்பில் மாலை அணிவித்து மரியாதை செய்யப்பட்டது. பின்னர் இசை வாத்தியங்கள் முழங்க அவர்கள் ஊர்வலமாக பள்ளிக்கு அழைத்து வரப்பட்டனர். இதனை தொடர்ந்து பள்ளியில் கோலாட்டம், தேவராட்டம், கரகாட்டம் உள்ளிட்ட பாரம்பரிய நடன நிகழ்ச்சிகள் நடைபெற்றது.