சக மாணவிக்கு பாலியல் தொந்தரவு அளித்த மாணவன் தலைமறைவு... போலீசார் வலைவீச்சு

கோவை மாவட்டம் பொள்ளாச்சியை சேர்ந்த மாணவி ஒருவர், சக மாணவர்களுடன், மங்களூருக்கு தொழில் சுற்றுலா சென்றுள்ளார். மாணவர்கள் 36 பேர், 6 மாணவிகள், 2 ஆசிரியர்கள் என  44 பேர் சென்ற நிலையில்,  ரயிலில் பயணித்த போது, ஒரு மாணவன் , அந்த மாணவிக்கு பாலியல் தொல்லை அளித்துள்ளார். மங்களூரிலும், பின்னர், ரயிலில் திரும்பியபோதும், மது போதையில் தொடர்ந்து தொந்தரவு செய்த நிலையில், மாணவனை புகாரின் பேரில் வழியிலேயே இறக்கி விட்டுள்ளனர். இந்நிலையில், பாலியல்  தொல்லை குறித்து கோவை ரயில்வே போலீசாரிடம் மாணவி அளித்த புகார், மங்களூரு போலீசாருக்கு மாற்றப்பட்டது. இந்த தகவலை அறிந்த மாணவன் தலைமறைவாகி விட்டார்.