5ஆம் வகுப்பு மாணவன் உலக சாதனை முயற்சி : கண்களை கட்டியவாறு சைக்கிள் ஓட்டி அசத்தல்

உலக சாதனை முயற்சியாக, ஐந்தாம் வகுப்பு மாணவன் ஒருவன், கண்களை கட்டியவாறு சைக்கிள் ஓட்டி அசத்தியுள்ளான். தஞ்சை மாவட்டம் பட்டுக்கோட்டையில், தனியார் பள்ளி ஒன்றில் ஐந்தாம் வகுப்பு படித்து வரும் மாணவன் ஆசிப். சிறுவயது முதலே சைக்கிள் ஓட்டுவதில் அதிக ஆர்வம் கொண்ட ஆசிப், கண்களில் கருப்புத் துணியைக் கட்டிக்கொண்டு, பட்டுக்கோட்டை நகர் முழுவதும், சைக்கிளில் வலம் வந்து அனைவரையும் வியக்க வைத்துள்ளான். சுமார் 3 கிலோ மீட்டர் தொலைவிற்கு 17 நிமிடங்கள் இந்த சாதனையை நிகழ்த்திய மாணவனை, பொதுமக்கள் வெகுவாக பாராட்டினர்