நெல்லையப்பர் கோயில் ஆவணி மூலதிருவிழா : கொடியேற்றத்துடன் கோலாகல தொடக்கம்

பிரசித்தி பெற்ற நெல்லையப்பர் கோயிலில், ஆவணி மூலதிருவிழா கொடியேற்றத்துடன் தொடங்கியது. முன்னதாக, கோயில் வளாகத்தில் உள்ள கம்பத்திற்கு, சிறப்பு அபிஷேகம் செய்து பூஜைகள் நடத்தப்பட்டன. மற்றொரு புறம், கொடிப்பட்டம் பல்லக்கில் ஊர்வலகமாக கோயிலுக்கு எடுத்து வரப்பட்டது. வேதமந்திரங்கள் முழங்க கம்பத்தில் திருவிழா கொடியேற்றப்பட்டு, மகா தீபாராதனை காட்டப்பட்டது. விழாவின் முக்கிய நிகழ்வாக, செப்டம்பர் 8ஆம் தேதி கருவூர் சித்தருக்கு, நெல்லையப்பர் காட்சி கொடுக்கும் நிகழ்ச்சி நடைபெற உள்ளது.