ரவுடிகள் வீசிச் சென்ற நாட்டு வெடிகுண்டு : செயலிழக்கச் செய்த வெடிகுண்டு நிபுணர்கள்

சிதம்பரம், அண்ணாமலை நகர் பகுதியில் கடந்த 21 ஆம் தேதி பிரபல ரவுடி கோழி பாண்டியனை  நாட்டு வெடிகுண்டு வீசி சிலர் படுகொலை செய்தனர்.  அப்போது வீசப்பட்ட,  வெடிக்காத வெடிகுண்டை  கைப்பற்றிய  போலீசார், அண்ணாமலை நகர் காவல் நிலையத்தில் பாதுகாப்பாக வைத்திருந்தனர். இந்த நிலையில், சென்னையில் இருந்து வரவழைக்கப்பட்ட வெடிகுண்டு நிபுணர்கள்,  அந்த நாட்டு வெடிகுண்டை, சிதம்பரம் புறவழிச்சாலையில், வெடிக்கச் செய்து செயலிழக்க செய்தனர். இந்த வழக்கில் முக்கிய குற்றவாளிகளான சரத்குமார் மற்றும் கதிரவன் ஆகியோரை போலீசார் தீவிரமாக தேடி வருகின்றனர்.