லேடி வெலிங்டன் பள்ளிக்கு புதிய கழிப்பறை வசதி - முன்னாள் மாணவர்கள் நிதி உதவி

சென்னை, திருவல்லிக்கேணி  லேடி விலிங்டன் பள்ளிக்கு புதிய கழிப்பறை கட்ட முன்னாள் மாணவர்கள் உதவியுடன் ஸ்டார் ஹெல்த் காப்பீடு நிறுவனம் நிதி உதவி செய்துள்ளது. இதற்கான 6 லட்சம் ரூபாய் காசோலையை பள்ளி தலைமை ஆசிரியரிடம் வழங்கிய அந்த நிறுவனத்தைச் சேர்ந்த டாக்டர் பிரகாஷ், தமிழகம் முழுவதும் இது போன்று , பல்வேறு பள்ளி - கல்லூரிகளுக்கு உதவி வருவதாக கூறினார். அந்த பள்ளியின் முன்னாள் மாணவரான பாரதி பாஸ்கர், கூறுகையில், அரசாங்கம் ஒரு புறம் திட்டங்களை செய்து வந்தாலும், அனைவரும் தாங்கள் படித்த பள்ளிக்கு, இயன்ற உதவிகளை செய்ய முன்வர வேண்டும் என்று கேட்டுக் கொண்டார்.