கூடுதுறை காவிரியில் பெருக்கெடுத்து ஓடும் வெள்ளம் - கரையோர மக்களுக்கு வெள்ள அபாய எச்சரிக்கை

ஈரோடு மாவட்டம் கூடுதுறை காவிரியில் 11 ஆயிரம் கனஅடி நீர் பெருக்கெடுத்து ஓடுவதால், கரையோர மக்களுக்கு வெள்ள அபாய எச்சரிக்கை விடுக்கப்பட்டுள்ளது. மாவட்ட ஆட்சியர் கதிரவன் வெளியிட்டுள்ள அறிக்கையில், தாழ்வான பகுதியில் வசிக்கும் மக்கள், கால்நடைகளை அழைத்துக் கொண்டு மேடான பகுதிக்கு செல்லும்படி அறிவுறுத்தியுள்ளார். பெருக்கெடுத்து ஓடும் காவியில் யாரும் குளிக்கவோ, புகைப்படம் எடுக்கவோ, மீன்பிடிக்கவோ கூடாது என வேண்டுகோள் விடுத்துள்ளார். வருவாய், பொதுப்பணி மற்றும் காவல்துறை அதிகாரிகள் முன்னெச்சரிக்கை நடவடிக்கைகளில் ஈடுபட்டுள்ளதாக மாவட்ட ஆட்சியர் கதிரவன் தெரிவித்துள்ளார்.