தமிழகம் முழுவதும் பக்ரீத் பண்டிகையை முன்னிட்டு சிறப்பு தொழுகைகள்

திருச்செந்தூர் அருகேயுள்ள காயல்பட்டனம் கடற்கரையில், தமிழ்நாடு தவ்ஹீத் ஜமாத் சார்பில் பக்ரீத் பண்டிகையை ஒட்டி சிறப்பு தொழுகை நடைபெற்றது. இதில் ஆயிரக்கணக்கான இஸ்லாமியர்கள் திரண்டு கூட்டுத் தொழுகை நடத்தி, வாழ்த்துக்களை பரிமாறி கொண்டனர்.  

கரூரில் பக்ரீத் பெருநாளை ஒட்டி, 54 பள்ளி வாசல்களில் சிறப்பு தொழுகை நடைபெற்றது. இந்நிலையில் பள்ளப்பட்டி ஈத்கா மைதானத்தில் மட்டும், சுமார் 5 ஆயிரத்திற்கும் மேற்பட்ட இஸ்லாமியர்கள் ஒன்று கூடி சிறப்பு தொழுகை நடத்தினர். 

சேலத்தில் உள்ள அரபிக் கல்லூரியில் நடைபெற்ற சிறப்பு தொழுகையில் ஏராளமான இஸ்லாமியர்கள் பங்கேற்று பிரார்த்தனை செய்தனர். கர்நாடகா, கேரளா, நீலகிரி ஆகிய பகுதிகளில் மழை வெள்ளத்தினால் ஏற்பட்ட பாதிப்புகளில் இருந்து பொதுமக்கள் மீள சிறப்பு பிரார்த்தனை செய்தனர்.